Wo Dil navaaz hai nazar shanaas nahi
Mera ilaaj mere charagar k paas nahi
Tarap rahe hain zabaan par kai sawal magr
Mere liye koi shayaan_e iltamaas nahi
tere ujaalon mein bhi Dil kaanp kaanp uthta hai
mere mizaaj ko aasudagi bhi raas nahi
kabhi kabhi jo tere qurb mein guzare the
ab un Dinon ka tasawur bhi mere paas nahi
guzar rahe hain ajab marhalon se diidaa-o-Dil
sahar ki aas to hai zindagi ki aas nahi
Mujhe Ye Dar hai k teri aarazo na mit jaye
Bahut dinon se tabiiyat Meri udaas nahi. . . . . . .
